copy ມາຈາກຂອງ @os555 ເລີຍກໍ່ແລ້ວກັນ ພໍດີບໍ່ຫວ່າງຊ່ວງນີ້
ເນື່ອງໃນໂອກາດທີ່ການຫນູນ ອ້ອມຕົວເອງຂອງໂລກ ໃກ້ຈະມາບັນຈົບຄົບຮອບ ອີກວາລະຫນຶ່ງ
ເຊິ່ງໃນທີ່ນີ້ກໍແມ່ນວັນເກີດລາວຊ້າ ທີ່ຄົບຮອບ ການກໍຕັ້ງຢ່າງເປັນທາງການແລ້ວ 3 ປີ
ດັ່ງນັ້ນທາງທີມງານຈຶ່ງຢາກຂໍຮຽນເຊີນທ່ານສະມາຊິກ ທັງຂະປະຈຳແລະ ສະມາຊິກໃຫມ່ ທັງໃກ້ແລະໄກ ເຂົ້າຮ່ວມກິດຈະກຳອັນເປັນການສະເຫລີມສະຫລອງ ແລະ ລະນຶກເຖິງຄວາມຫລັງຂອງຊຸມຊົນແຫ່ງນີ້ຈົນຮອດປະຈຸບັນ
ລາຍລະອຽດເນື້ອໃນລາຍການມີດັ່ງນີ້
ການຈັບສະຫລາກລາງວັນ ຈາກ ຂ້າພະເຈົ້າເອງ ເປັນປຶ້ມສອນ Hack ພາສາໄທ ແລະຂອງລາງວັນອື່ນໆ
ຫົວຂໍ້ທີ່ຫນ້າສົນໃຈໃນງານນີ້ແມ່ນ
ທ່ານ ອາລຸນ Snapter ເພິ່ນຈະເວົ້າເລື່ອງການ Hack ຂັ້ນເທບ ແຕ່ບໍ່ຂໍເປີດເຜີຍຫົວຂໍ້ເທື່ອ ເອົາໄວໃຫ້ຕື່ນເຕັ້ນວ່າຊັ້ນ
Creating online maps with OpenStreetMap data on Ubuntu ” ໂດຍ > ທ່ານ Adrian Weber ຊ່ຽວຊານ GIS Application Developer
ສະນັ້ນແລ້ວຢ່າພາດ ອິອິ
ສຳລັບ ເວລາແມ່ນວັນທີ່ 08 / 05 / 2010 ຕອນບ່າຍ 2 ໂມງ ຫາ ແລງ
ສະຖານທີ່ ແມ່ນ ຖະຫນົນຄູວຽງ ວົງວຽນທາດຂາວ
ແຜນທີ່
ສຳລັບ ສະມາຊິກທີ່ຈະເຂົ້າຮ່ວມ ແມ່ນໃຫ້ລົງນາມໄວ້ ເພື່ອທາງທີມງານຈະໄດ້ກະກຽມອາຫານວ່າງໄວ້ໄດ້ກົງກັບຈຳນວນ
ຢໍ້າ ວ່າໃຫ້ລົງສະເພາະຜູ້ທີ່ແນ່ໃຈວ່າຈະໄປຮ່ວມໄດ້ເທົ່ານັ້ນ ເພາະວ່າ ຫາກລົງຊື່ແລ້ວບໍ່ໄປຈະເຮັດໃຫ້ທີມງານເຮົາກະກຽມໄດ້ຜິດພາດ
ການລົງນາມເຂົ້າຮ່ວມແມ່ນໃຫ້ຂຽນດັ່ງນີ້:
ຊື່:
UserName:
ສາມາດເຂົ້າຮ່ວມໄດ້ 1000 % ບໍ່ບ້ຽວ
ສຳລັບໃຜບໍ່ສະດວກລົງນາມຜ່ານເວັບກໍບໍ່ເປັນຫຍັງ ສາມາດໄປ ໄດ້ເລີຍເນາະຊວນຫມູ່ ຫລື ແຟນໄປນຳກໍໄດ້
ໃຜທີ່ເຂົ້າຮ່ວມງານຈະໄດ້ Sticker Ubuntu ເປັນຂອງຂວັນເນາະ ຜູ້ໃຜມາຊ້າ ຫມົດກ່ອນແລ້ວຈະອົດ
ຫວັງວ່າສະມາຊິກຄົງສະຫລະເວລາມາຮ່ວມງານນຳກັນ
ຫົວຫນ້າທີມງານລາວຊ້າ
ໂອ້ດ
ສະຫລຸບແລ້ວ ອີກສາມມື້ກໍ່ຈະອອກແລ້ວ ເອົາເປັນວ່າພີ່ນ້ອງກຽມໂຕໄດ້ເລີຍຍຍຍ
Tags: 10.04, release party, ubuntu
ສຳຫລັບອົງກອນໃດຫາກວ່າ ມີລະບົບ active directory ເປັນຂອງໂຕເອງແລ້ວ ຄົງຈະລີກລ່ຽງ ບໍ່ໄດ້ ຫາກເຮົາໃຊ້ ubuntu ແລ້ວບໍ່ໄປ join domain
ເພາະ policy ຕ່າງໆແມ່ນ ຖືກກຳນົດໄວ້ໃນ user ຫມົດແລ້ວ ເອົາລະມື້ນີ້ກໍ່ມີວິທີການ ງ່າຍໆ ມາບອກກັນ
ເລີ່ມເລີຍ
ທຳອິດກໍອັບເດດ source ກ່ອນ
sudo apt-get update
ຕິດຕັ້ງ package ທີ່ຕ້ອງໃຊ້
sudo apt-get install likewise-open
ເຂົ້າ domain ໂລດ
sudo domainjoin-cli join mydomainName Administrator
sudo update-rc.d likewise-open defaults
sudo /etc/init.d/likewise-open start
ເມື່ອແລ້ວໆ ກໍ່ logout ແລ້ວ login ເຂົ້າມາໃຫມ່ດ້ວຍ domain
EX: mydomainName\devsmudger
Tags: active directory, domain, join, ubuntu
ເຂົ້າເລື່ອງກັນເລີຍເນາະ
/ (root) ຄື directory ຂອງ root
/bin = ເປັນ directory ໃຊ້ເກັບຄຳສັ່ງທົ່ວໄປ ລວມທັງຄຳສັ່ງ utilities ຂອງລະບົບນຳ
/dev = ເປັນບ່ອນເກັບ device file ສຳຫລັບໄວ້ອ້າງອີງເຖິງອຸປະກອນ ໂດຍອຸປະກອນທຸກໆ ໂຕຈະມີ file ອ້າງອີງເຊັ່ນ /dev/tty1 ແປວ່າ serial port(com2)
/boot = ເປັນບ່ອນເກັບ ເຄີເນລ ແລະໄຟລ໌ທີ່ຈຳເປັນຕໍ່ການ boot ຂອງລະບົບ
/etc = ເປັນ directory ຫນື່ງທີ່ສຳຄັນຕໍ່ລະບົບ ໃຊ້ໄວ້ເກັບຄຳສັ່ງເພິ່ມເຕີມ ແລະໃຊ້ເກັບໄຟລຂໍ້ມູນປະເພດການຕັ້ງຄ່າ (configuration)
/proc = ເປັນບ່ອນເກັບ ຂໍ້ມູນໃນຕອນທີ່ໂຕປະມວນຜົນ (process) ກຳລັງເຮັດວຽກຢູ່
/home = ແມ່ນ directory ພື້ນຖານທົ່ວໄປ ຂອງ user ໃນລະບົບ
/sbin = ແມ່ນບ່ອນເກັບຄຳສັ່ງໃນການເບີ່ງແຍງລະບົບຕ່າງໆ
/tmp = ບ່ອນເກັບເອກະສານ ຫລື ໄຟລ ຊົ່ວຄາວຂອງ user ລະບົບ
/var = directory ເກັບຂໍ້ມູນທີ່ມີການປ່ຽນແປງຕະຫລອດເວລາເຊັ່ນ /var/log
/usr = ແມ່ນ directory ໃຊ້ໃນການ ຕັ້ງຄ່າລະບົບ ແລະໂປຣແກຣມສ່ວນຫລາຍຈະຖືກເກັບໄວ້ນີ້
/lib = ບ່ອນເກັບ library ແບບ dynamic ທີ່ຂຽນດ້ວຍພາສາ c ປຽບໄດ້ກັບ dll ໃນ ວິນໂດ້
/usr/bin = directory ໄວ້ເກັບຄຳສັ່ງທົ່ວໄປ
/usr/sbin = directory ໄວ້ເກັບຊຸດຄຳສັ່ງກ່ຽວກັບລະບົບ network
/lost+found = ໄວ້ເກັບກຳກ່ຽວກັບ error ຂອງ disk
/media = ຄຶືກັນກັບ /dev ແຕ່ໂຕນີ້ຈະກ່ຽວກັບອຸປະກອນ ເກັບຂໍ້ມູນ ເຊັ່ນ /media/cdrom , /media/disk1
ນັ້ນກໍ່ຄື directory ທີ່ຈຳເປັນຕ້ອງມີ ແລະຮູ້ໄວ້, ສຳຫລັບຜູ້ເບີ່ງແຍງລະບົບ ຫລືຜູ້ໃຊ້ ຖ້າຫາກຮູ້ວ່າສີ່ງທີ່ເຮົາຫາຢູ່ມັນຢູ່ໃສ ແລະຖືກຈັດການແບບໃດ ມັນກໍ່ເປັນເລື່ອງ່າຍທີ່ເຮົາຈະຊອກຫາ ແກ້ໄຂ ແລະຮັກສາ ມັນ
Tags: bin, dev, directory, etc, home, linux, root, sbin, unix, usr, var
ເກັບຕົກມາຈາກງານ release party ພໍດີມີຄົນຖາມວ່າ kernel ມັນແມ່ນຫຍັງ ເຮົາກໍ່ເວົ້າໆໄປຜ່ານໆ ເອົາເປັນວ່າມື້ນີ້ມາຊ້ຳຄືນອີກເທື່ອກໍ່ແລ້ວກັນ
ໃນລະບົບ unix / linux ນັ້ນໂດຍພື້ນຖາມມັນຈະມີຫລັກການເຮັດວຽກທີ່ຄືກັນໂດຍອາໄສ kernel ເປັນໂຕເຊື່ອມລະຫວ່າງ apps ກັບ shell ໄປຈົນຮອດ ອຸປະກອນຕ່າງໆ ແບ່ງອອກເປັນ ສີ່ ລຳດັບແບບນີ້
application
V
kernel
V
shell
V
hardware
application : ຄືສ່ວນໂປຣແກຣມຕ່າງໆ ທີ່ຜູ້ພັດທະນາຫລືຜູ້ໃຊ້ ຂຽນຂື້ນມາຫລື ຕິດຕັ້ງເພື່ອໃຊ້ງານ ກໍ່ແລ້ວແຕ່ ເຊັ່ນ pelr, php, c.. ເປັນຕົ້ນ
kernel : ຄືສ່ວນທີ່ໃຊ້ຄວບຄຸມການເຮັດວຽກຂອງລະບົບທັງຫມົດ ໂຕເຄເນລຈະຂື້ນຢູ່ກັບອຸປະກອນຂອງແຕ່ລະລຸ້ນ ເຊັ່ນ i386
shell : ຄື command interpreter ທີ່ເປັນໂຕກາງໄວ້ຖ້າຮັບຄຳສັ່ງຈາກຜູ້ໃຊ້ວຽກຜ່ານທາງ ຄີບອດແລ້ວແປຄຳສັ່ງຕ່າງໆ ໃຫ້ເປັນພາສາເຄື່ອງ ນອກຈາກນີ້ແລ້ວມັນຍັງມີຄວາມສາມາດໃນການຂຽນໂປຣແກຣມ (shell script) ເຊິ່ງກໍ່ຄືການນຳເອົາຄຳສັ່ງຕ່າງໆໃນລະບົບມາຂຽນໃຫ້ເປັນ ໂປຣແກຣມນັ້ນເອງ
hardware : ອັນນີ້ຄືຊິບໍ່ຕ້ອງອະທິບາຍຫຍັງຫລາຍ ມັນກໍ່ຄືອຸປະກອນຕ່າງໆ ທີ່ປະກອບມາເປັນຄອມພິວເຕີ ນັ້ນແຫລະ ເຊັ່ນ cpu ເປັນຕົ້ນ
ນັ້ນກໍ່ຄືໂຄງສ້າງຫລັກໆ ໃນລະບົບ linux / unix ທີ່ຕ້ອງມີເພື່ອປະກອບມາເປັນລະບົບປະຕິບັດການ
Tags: application, hardware, kernel, linux, shell, system, unix
